МухӀамад Рамазанов
МухIамад Мусаласул Рамазанов (27 март 1936 — 7 май 2008[1]) — дагъистаналъул хъвадарухъан, прозачи, журналист ва байбихьул классазул мугIалим.
| МухIамад Рамазанов | |
|---|---|
| Гьави |
27 март 1936 Гъоркьияб Инхело, Болъихъ мухъ, ДАССР, РСФСР, СССР |
| Хвей |
7 май 2008 (72 сон) Могилёвское, Хасавюрт мухъ, Дагъистан, Россия |
| ВатӀанчилъи |
Халип:Флаг / СССР |
| Миллат | аварав |
| Адабияб гьунар | |
| Лъайщвей | Имам Шамилил цIаралда бугеб Кавказалъул халкъазул университет |
| Пишаялъул тайпа |
|
| Дебют | «Халатаб къо», 1980 |
ГIумрухъвай
хисизабизеМухIамад Рамазанов гьавуна 27 марталъ 1936 соналъ Дагъистаналъул Автономияб Советияб Социализмаялъул Республикаялда Болъихъ районалда Гъоркьияб Инхело росулъ мискинав векьарухъан Мусалавил хъизаналда. Гьасул эбел Гъоркьияб Инхело росулъа кIкIаралай йикIана, ва гьасул эмен гъодоберисев вукIана.
Гъоркьияб Инхело росулъ анкьго соналъул школалъул лъугIизабиялдаса хадув, гьав Болъихъ росулъ гьоркьохъеб школалде лъугьана ва 1953 соналъ гьас лъугIизабуна гьаб.
1954 соналдаса 1959 соналде щвезегIан Максим Горькиясул цIаралда бугеб колхозалда звеньевойлъун Донбассалъул шахтазда ва Гуржистаналда стройказда хIалтIулаан. ГIуру къарал ва рехун тарал ракьазул хIалтIизариялъе гIоло гьав Узбекистаналде рекIун ана.
Ташкент областалда Гулистан шагьаралда байбихьул классазул учителазул хIадурлъи гьабиялъул педкласс лъугIизабуна, Ленинасул цIаралда бугеб Ташкент шагьаралъул пачалихъияб университеталъул филологиялъулаб факультеталде лъугьана, амма гьас тIолго ункъго курсал лъугIизабичIо хъизаналъул шартIал сабаблъун. Хасавюрт шагьаралда гьас цIали халат гьабуна, ва Имам Шамилил цIаралда бугеб Кавказалъул халкъазул университеталде лъугьана ва лъугIизабуна гьаб, филологасулги журналистасулги квалификациялъул кьейгун.
2008 соналъ хвана, гIемераб мехалъ бугеб унти сабаблъун.
Гьунар
хисизабизе1980 соналъ хъвазе байбихьана, гIурус мацIалда ункъго тIехь бахъана: «Длинный день (Халатаб къо)», «Сказка постучались в дверь (Маргьа нуцIида кIутIана)», «Богач, бедняк и серые разбойники» (Бечедав, мискинав ва цIахIилал хъачагъал)», «Звери и птицы хотели учиться (Жанаваразе ва хIанчIазе цIализе бокьана)».
Гьас хъвана хабарал, маргьаби, къисаби, легендаби, биценал. Жиндирго асаразда гьас захIмат, гIагараб ракьалъул берцинлъи, тIолабго инсул ВатIан ва халкъазул гIадатал кочIолъ беццулаан.
РухIияб, эстетикаялъулаб ва ватIан хIиралъиялъул тарбиялъул хIакъалъулъ хъвалаан[2].
МугъчIваял
хисизабизе- ^ "Peoples.ru — Магомед Рамазанов. Биография". Щвей 2024-05-16.
- ^ "МухIамад Рамазанов — Могилёвское росдал тарих". Архивация оригинал (2018-09-30). Щвей 2024-05-16.