Википедия

Орландоялда чӀвай-хъвей

 Гьаб 20160612 бицен гьабун буго гьанжесел лъугьа-бахъиназул.
Гьанир ругел магІлуматал хисизе бегьула, цІи-цІиял лъарал жалазда рекъон.
Нужеца цІалулеб 20160612 ккола 12:44 05 январ 2023 тарихалда жиб гІуцІараб(UTC). (хисизабизе)

Орландоялда чІвай-хъвей - ккола 2016 соналъул 12 июналъ АЦШялъул Флорида штаталъул Орландо шагьаралда ккараб чІвай-хъвей. 29-сонил гІумруялъул Америкалъул ватІанчи ГІумар Матиница Pulse абураб гей-клубалда автоматалъ речІчІун чІвана чанго чи, цинги гъоркьлъалие росана хутІарал гьенир рукІарал гІадатлъун билълъинчІеб балагьиялъул гІадамал. РечІчІиялъул хІасилалда чІвана 50 чи, ва 53-ялдаса цІикІкІун лъукъана. Хадубккун гьеб бакІалде рачІарал полициялъулазулгун ккараб цоцаде кьвагьдеялъул хІасилалда гьужум гьабурав чІвана ва асирлъун ккун рукІарал гомосексуалал эркен гьаруна[1][2][3].

2016 соналъул 12 июналъул радал, клубалъул минаялда аскІоб къуваталъул идарабазул машинаби.
2016 соналъул 12 июналъул радал, клубалъул минаялда аскІоб къуваталъул идарабазул машинаби.
АЦШ АЦШ, Флорида штат, Орландо, Pulse гей-клуб
клубалде рачІарал геял
2016 соналъул 12 июнь
2:00 — 5:00 (EDT)
кьвагьдей, гъоркьлъалие кквей
50
53
3
ГІумар Матин

Орландоялда ккараб чІвай-хъвей лъугьана Америкалъул тарихалда жаниб бищун цІикІкІун гІадамазул рухІ босараб чІвай-хъвейлъун[4][5][6].

Ккараб куц хисизабизе

Pulse гей-клубалъул минаялда аскІоб речІчІи байбихьана гІага-шагарго 2:00 (EDT). Гьеб мехалда гІагардаго вукІарав полициялъулас, AR-15 автоматалъулаб винтовкагун ва пистолетгун вукІарав ГІумар Метинидехун кьвагьун буго жиндихъго букІараб таманчаялъ, [7][8] гьеб мехалъ ГІумар клубалде жаниве кІанцІун вуго, ва гьеб лахІзаталъ гьенир рукІун руго 320 гІадатлъун билълъинчІеб балагьиялъул гІадамал. Гьениб ГІумарица чІван руго 50 чи ва хутІарал гъоркьлъалие росун руго[4].

Заман инчІого гьенире гІедегІун щун руго полициялъулал, клубалъул минаялда жанире ритІун руго кІалъа-басай гьабизе гІадамал[9]. ГІумарица бицун буго, жиндихъ кьвагьизе хІадурараб кьвагьулеб алат букІин[10].

ГІага-шагарго 5:00 тІубараб мехалъ къуваталъулаз хІукмо гьабун буго гьужум байбихьизе. Орландоялъул мэр Бадди Дайерил рагІабазда рекъон, гъоркьлъалие росарал рукІун руго кІиго батІи-батІияб рахъазда: 5-ялдаса 8-ялде щвезегІан гомосекал рукІун руго цояб рокъор ГІумаргун, 15-ялдаса 25-ялде щвезегІан — цогидаб батІа тІураб рокъохун. Полициялъул SWAT абулел хассал къуватаз чармил автомобилаздалъун батІахун бугеб рукъалъул къед тІезабун буго, ва гьеб рокъор рукІарал гІадамал эркен гьарун руго[11]. Байбихьун буго ГІумарилгун полициялъулазул цоцаде кьвагьи. Гьелъул хІасилалда гьев чІван вуго[4]; цо полициялъуласул хъущкьасан ккараб гулица бетІер лъукъун буго[12].

Гьужум гьабурав хисизабизе

 
ГІумар Матинил автомашина бачиялъул изнуялдаса бахъараб сурат

Гьужум гьабуна АЦШялъул ватІанчи ГІумар Матиница (инг. Omar Mir Seddique Mateen). Гьев гьавун вуго 1986 соналъул 16 ноябралда Нью-Йоркалда.


ХІужаби хисизабизе

  1. ↑ "Стрельба в ночном клубе в Орландо привела к множеству жертв" (in русский). Интерфакс. 2016-06-12. Халагьи 2016-06-12.
  2. ↑ Алексей Богдановский (2016-06-12). "В Орландо в результате теракта погибли 50 человек" (in русский). РИА Новости. Халагьи 2016-06-12.
  3. ↑ Алексей Богдановский (2016-06-12). "СМИ назвали имя преступника, совершившего массовое убийство в Орландо" (in русский). РИА Новости. Халагьи 2016-06-12.
  4. ↑ 4,0 4,1 4,2 Алексей Качалин (2016-06-12). ""Самая кровавая бойня в истории США": жертвами стрельбы в Орландо стали 50 человек" (in русский). ТАСС. Халагьи 2016-06-12.
  5. ↑ Алексей Богдановский (2016-06-12). "Трагедия в Орландо поставила рекорд по числу жертв массовой стрельбы в США" (in русский). РИА Новости. Халагьи 2016-06-12.
  6. ↑ "СМИ назвали стрельбу в Орландо крупнейшей в истории США по числу жертв" (in русский). Lenta.ru. 2016-06-12. Халагьи 2016-06-12.
  7. ↑ "Assault Rifle Is Among Weapons Used in Attack" (in английский). The New York Times. June 12, 2016. Халагьи June 12, 2016. {{cite web}}: Check date values in: |accessdate= and |date= (квеки)
  8. ↑ Алексей Богдановский (2016-06-12). "Подозреваемый в стрельбе в Орландо купил оружие официально" (in русский). РИА Новости. Халагьи 2016-06-12.
  9. ↑ 50 dead in nightclub, worst mass shooting in U.S. history (en), USA Today (June 12, 2016). Хал гьабун буго 12 юн 2016.
  10. ↑ Police: 50 killed in Florida nightclub terror attack (en), CNN (June 12, 2016). Хал гьабун буго 12 юн 2016.
  11. ↑ Алексей Богдановский (2016-06-12). "Мэр Орландо рассказал подробности освобождения заложников в ночном клубе" (in русский). РИА Новости. Халагьи 2016-06-12.
  12. ↑ "Десятки человек погибли и получили ранения во время стрельбы в Орландо" (in русский). РИА Новости. 2016-06-12. Халагьи 2016-06-12.

МугъчІваял хисизабизе

Босараб бакӀ — «https://av.wikipedia.org/w/index.php?title=Орландоялда_чӀвай-хъвей&oldid=85014»