Халип:Аннотация/Шагьадат

Шагьадат (ГӀараб: الشهادة — хІарпияб нугІлъи гьаби‎; аби^ⓘ) — цо гурони гьечIев, вати тIадав Аллагьасда божи ва МухІаммад авараг ﷺ Аллагьас халкъалде дин босун витIарав илчи вукIиналда божи. Гьединго шагьада абураб рагIи бачIуна шагьид абураб магIнаялдаги, ай диналъе гIоло къеркьо хварав чи абураб.

Ашгьаду алля́ илягьа илля Лла́гьу ва ашгьаду анна Мух̣Іаммадан расу́лю Лла́гь

Оригиналияб текст (гІараб.)

أَشْهَدُ أَنْ لاَ إِلَهَ إِلاَّ اللَّهُ وَ أَشْهَدُ أَنَّ مُحَمَّدًا رَسوُلُ اللَّهِ

Къокъаб куцалда шагьадаталъул магIна бачIуна гьадин: «Дица нугІлъи гьабула ракІ чІун, лъан, хІакълъунго жиндие лагълъи гьабизе кколеб щибго гьечІоян, цо вати тІадав Аллагь гурого, ва дица нугIлъи гьабула, хIакълъунго МухІаммад ﷺ — Аллагьасул халкъалда дин малъизе витIарав авараг вукIиналда». ШигIитаз битIулеб шагьадат батIа бахъула суннитаз битIулелдаса, тIаде жубараб «ва ГIалийюн Валийю Ллагь» - абураб рагIиялъ, ай "ва дица нугIлъи гьабула ГIали Аллагьасул вали вукIиналда" - абураб. Шагьадат битIи ккола инсанас исламияб дин босиялъе бищун аслияб шартIлъун. Исламалда жаниб шагьадат битIарав чиясул би тIей хIарамаб буго.