Лайлатул Къадри

Лайлатул Къадри яги Къадаралъул сордо (ГӀараб: لَيْلَةُ الْقَدْر) — рамазан моцІалъул 27-еб сордо, 610 соналъ ТІадегІанав Аллагьас МухІаммад аварагасде ﷺ Къуръаналъул тІоцебесеб сура рещтІараб сордо.

Лайлатул Къадри ГӀараб: لَيْلَةِ الْقَدْرِ
Тайпа	Исламияб
Расмияб	киналго бусурбабазул пачалихъазда
Цоги куцалда	Къадаралъул сордо
КІвар букІин	мунагьал чурулеб сорда
Лъуна	МухІаммад аварагас ﷺ
КІодо гьабула	Бусурбабаца
Къо-моцІ	27-еб Рамазан
Байрам тІобитІула	мажгитазда ва рокъоб
Гьарулел пишаби	гІибадат цІикІкІинаби
Хурхараб буго	Рамазаналда

Гьеб сордоялъ МухІаммад аварагасухъе ﷺ вахІюлъун вачІун Жабраил малаикас Къуръаналъул сураялде ишараги гьабун абуна: «ЦІале!»-ян.

Гьеб сордоялъ Аллагьасу гІорхъи гьечІел рахІматал щвеялда ва мунагьал чуриялда хьулгун гІибадат цІикІкІинабизе бихьизабун буго Исламалда.

Гьеб рехсон буго Къуръаналда:

ХІакълъунго, Нижеца (ай, Аллагьас) рещтІинабуна Къуръан лайлатул къадриялъ. Дуда щибха лъалеб, щиб гьеб „лайлатул къадри“?! Лайлатул Къадри лъикІаб буго азарго моцІалдаса: Гьеб сордоялъ рещтІуна Малаикзаби ва РухІ (Жибрил) гьезул БетІергьанасул изнуялдалъун щибаб амругун. Гьеб (ай, сордо) — буго саламлъун рогьел баккизегІан! Ал-Къадр 97:1—5 Оригиналияб текст (гІараб.) إِنَّا أَنْزَلْنَاهُ فِي لَيْلَةِ الْقَدْرِ وَمَا أَدْرَاكَ مَا لَيْلَةُ الْقَدْرِ لَيْلَةُ الْقَدْرِ خَيْرٌ مِنْ أَلْفِ شَهْرٍ تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِمْ مِنْ كُلِّ أَمْرٍ سَلَامٌ هِيَ حَتَّى مَطْلَعِ الْفَجْرِ

Ссылкаби

• «Избавление от ошибок в знании времени дня и направления молитвы» представляет собой арабскую рукопись 1683 г., в которой говорится о Ночи Судьбы