Бакъаккул сверел
Бакъаккул сверел — авар мацӀалъул диалектазул цояб, жиб хьондасеб тӀадгаруде гъорлӀе унеб. Эб ккола бакътӀерхьул свералида цадахъ фонетикияб ва морфологияб рахъалъ литературияб мацӀалде бищун гӀагараб.[1]
ТӀибитӀиги гаргаралги хисизабизе
Бакъаккул сверел тӀибитӀул бищун бакъдехун бугеб пункт ккола ТӀелекь, гьениса бахъараб ТӀаса Хъаранибе щвезегӀан буго диалекталъул ареал. Элда сверун руго бактӀархьуда хундерилги, бакътӀерхьулги, бакъдеххун гьидерилги гӀандалазулги свералаби. Бакъаккул свералида кӀалъалел росаби руго:
- Гъуниб мухъ: Гьонода;
- Лаваша мухъ: КъолецӀма, ТӀарада ЧӀугӀли, Урма, УхӀли, ХахитӀа, ХъахӀаросо, Чуни;
- Онсоколо мухъ: ГьаракӀуни, Рихьуни;
- Хунзахъ мухъ: КӀудиябги ГьитӀинабги ГьоцӀалӀ, ТӀагьада, Уздалросо, ХъахӀикӀкӀал.
- Хьаргаби мухъ: ГӀаймаки, Къудукь, КӀикӀуни, Хьаргаби;
- Шамилил мухъ: ТӀелекь, ГъогъолӀ;
- Шурагьиб мухъ: Дурангъи, Кутиша, ТӀаса Жунгуталиб, ТӀасаги Гъоркьаги Гъарани, ХӀапши.
Свериде гъорлӀе рачуна хадусел гаргарал, жидеда гьоркьор цӀакъ дагьаб гурони фонетикияб батӀалъи гьечӀел: тӀелкьадерил, хьергебдерил,[2] кутишасезул.[3]
Куц-мухъ хисизабизе
Вокализмалда тӀасиял (/i/–/u/) тӀаса-гьоркьохъелги (/e/–/o/) хӀалтӀизаби буго рекъараб; хундерил свералида гӀадин бихьулеб уди яги бакътӀерхьул свералида гӀадин бихьулеб оди гьечӀо.[2]
Бакъаккул свералида данчӀваларо интенсивияб гъугъаб алвеоларияб латералаб аффрикат /tɬː/ (лӀ).[4][5]
МугъчӀваял хисизабизе
- ↑ МикагӀилилазул 1959, p. 488.
- ↑ 2,0 2,1 МикагӀилилазул 1959, p. 489.
- ↑ Мамаева, С. Г. (2012). "Некоторые особенности кутишинского говора аварского языка". Вестник Университета Российской академии образования (5): 130–132. Халагьи 2024-03-06.
- ↑ Магомедов, М. А.; Магомедова, М. М. (2018). "Проблемы диалектного членения аварского языка" (PDF). Филологические науки. Вопросы теории и практики. Тамбов: Грамота. 1 (9#87): 123–126. ISSN 1997-2911. Халагьи 2024-03-02.
- ↑ Атаев, Б. М (2020). "Некоторые фонетико-морфологические особенности диалектов аварского языка" (PDF). Вестник Института языка, литературы и искусства им. Г. Цадасы. ДФИЦ РАН (22): 8–13. doi:10.31029/vestiyali22/1. Халагьи 2024-03-02.
Библиография хисизабизе
- МикагӀилилазул, Ш. И. (1959). Бокарев, Е. А. (ред.). Очерки аварской диалектологии [Авар диалектологиялъул хъвай-хъвагӀаял]. Ленинград: СССРалъул гӀелмабазул академиялъул пресса. гь. 510.